34- vjeçari Indrit Ndoj, i cili u gjet i pajetë në një kanal në Fushë Krujë nga familjarët, nuk është qëlluar me armë zjarri, por me një kaçavidë.
Ky është rezultati që ka dalë pas kryerjes së autopsisë.
Policia e Durrësit thotë se viktima është goditur me kaçavidë në arterien femorale dhe kjo është edhe arsyeja se përse në vendin e ngjarjes nuk është gjetur asnjë gëzhojë.
Sipas autoriteteve, autori dhe viktima janë përplasur me njëri-tjetrin dhe në një moment autori e ka qëlluar me kaçavidë në kofshën e majtë. Për pasojë, Indrit Ndoj ka humbur jetën nga hemorragjia.
Ndërkohë, policia ka rënë në gjurmët e autorit dhe thotë se është drejt zbardhjes së ngjarjes. Nga autopsia ka rezultuar se viktima ka qenë nën efektin e lëndëve narkotike.
Kujtojmë se Indrit Ndoji u gjet i pajetë në një kanal në anë të rrugës nga familjarët e tij ndërsa ishin nisur për punë. Trupi u gjet pas orës 08.00 të mëngjesit të premten ndërsa dyshohet se 34-vjeçari ndodhej aty i pajetë për rreth 8-9 orë.
© SYRI.net
VIDEO/ ‘Piranjat’ demaskojnë takimin e Ramës, administrata zhvendoset në Athinë
Berisha: Vetëm Arben Maloku, zyrtari i Veliajt, ka vjedhur 38 mln euro nga paratë e bashkisë! Të martën t’i nxjerrim për zverku nga zyrat
Berisha publikon skandalin: Malaveci i përmbaruesve ishte akses në të dhënat e TIMS! Ia kishte dhënë Balla dhe Rrumbullaku kundrejt milionave
Denonco
Merrni lajmet më të fundit nga SYRI.net në çdo moment dhe kudo që të jeni!
