Lideri historik i PD, Sali Berisha ka deklaruar se koalicioni "Shtëpia e Lirisë" ka hyrë në zgjedhje për të fituar të gjitha bashkitë në 6 mars.
Berisha tha se kandidatët e koalicionit opozitar janë më të mirët.
Në Durrës, Berisha tha se kandidati i votuar nga anëtarësia e PD në primare, Ardian Muka, ka diferencë të madhe në krahasim me kandidaten socialiste, e ciula mbështetet nga Vangjush Dako.
Berisha përmendi edhe kandidatin e Lushnjes, Elton Bano, si më i fuqishmi dhe më intelektuali në krahasim me rivalët në këtë garë.
Pjesë nga intervista
Pyetje: Ju thatë që fitoi 5 me 1?
Berisha: Jeni keqkuptuar. E kisha vetëm për Shkodrën. Rezultati për Shkodrën është 5 me 1.
Pyetje: Cilat bashki mund të fitoni?
Berisha: Ne hymë në një betejë për të fituar në të gjitha bashkitë por kemi të bëjmë me një regjim të diskredituar në vjedhje, në shkelmim të interesit kombëtar etj.
Pyetje: Si e shikoni garën në Durrës?
Berisha: Kandidati ynë në krahasim me Gjushin është një diferencë e jashtëzakonshme. Unë e theksova dhe më parë. Peshkaqen më i madh se Gjushi s’ka hyrë në atë qytet, i ka ikur koha atij. Jam i bindur se durrsakët do zgjedhin kandidatin që ka vlerat e tyre.
Pyetje: Po në Lushnje?
Berisha: Kandidati i PD është kandidati më i fuqishëm. Është Elton Bano është një qytetar një intelektual specialist i respektuar nga e gjithë Lushnja.
Pyetje: Pse Vora kaloi majtas si bashki?
Berisha: Vorën e dorëzoi Lul Brava, nuk dorëzohej Vora. Një nga shërbimet më të mëdha që i bëri Ramës është bojkoti i zgjedhjeve.
© SYRI.net
SYRI TV/ Reporterë pa kufij për lirinë e medias, gazetarët përballen me sulme politike
SYRI TV/ BE kundër kërkesës së prokurorëve të SPAK, nuk mbështet zgjatjen e mandatit
Çifti i moshuar përcillet në banesën e fundit/ Ende mister vrasja e tyre
Denonco
Merrni lajmet më të fundit nga SYRI.net në çdo moment dhe kudo që të jeni!
