Kryeministri Edi Rama reagoi i zemëruar pasi komisionerët e Bashkimit Europian u shfaqën në disa aktivitete të Partisë Demokratike, ku po shpaloset programi i tyre.
Rama tha se kjo është ndërhyrje në fushatën elektorale.
Reagimi i sotëm erdhi pasi Komisionerja e BE-së për Inovacionin, Arsimin dhe Rininë, Mariya Gabriela, ishte e ftuar për të folur në një aktivitet të PD-së për arsimin.
“Dikush në Bruksel duhet t'u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE!
Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!” shkruan Rama.
Fushata elektorale në Shqipëri nis të premten.
© SYRI.net
'Pasuese e Berishës?'/ Argita Malltezi: Nuk kam bërë asnjë lloj plani, por nuk do të hezitoj për të ndërmarrë...
Molotovë drejt Bashkisë në protesta/ Malltezi: Jam për më shumë se aq nëse mendoj se zgjidhin situatën
Argita Malltezi: Vendosmëria që përçon protesta në mbështetje të Sali Berishës është bërë shqetësim për Edi Ramën dhe enturazhin e tij
Denonco
Merrni lajmet më të fundit nga SYRI.net në çdo moment dhe kudo që të jeni!
