VIDEO/ Strazimiri: Zgjedhjet pas vitit 2013 në Shqipëri, nuk i ka fituar PS, apo Rilindja, por krimi i organizuar

18:40, 20/05/2024

Anëtari i kryesisë së PD-së, Gent Strazimiri i ftuar në ‘Task Force’ me Sonila Meçon në SYRI TV, ka folur rreth lëshimit të 50 fletë arresteve nga ana e SPAK, kundrejt 7 grupeve kriminale në Shqipëri.

Sipas Strazimirit, këta persona janë të gjithë ata që janë denoncuar për vjedhjen e zgjedhjeve të 14 majit 2023.

‘Banda është e paprekur jo për faktin se nuk janë arrestuar. Banda do të ishte e paprekur edhe nëse do të ishin sot të gjithë në burg të gjithë këta, për sa kohë mbështetja politike që i ka sjellë deri aty dhe i bëri kaq të fuqishëm është e paprekur.

Unë kam dyshimet e mia, që ky vendim për të mos publikuar pjesë nga vendimi, është për të mbyllur petët e lakrorit aty ku duhet, për ti futur pisllëqet poshtë tapetit dhe në fund të fundit, gjëja u bë dhe mbaroi dhe politikanë nuk kishte. Këta janë vetë politikanët.

Në kohën kur kemi bërë ligjin e dekriminalizimit, së bashku me kolegun Eduard Halimi dhe Oerd Bylykbashi kemi pasur një problem; ligji antimafia i Italisë nuk bënte për ne, që është edhe ligji më i fortë.

Në ligjin antimafia të Italisë, mafia përdorte njerëz të pa censuruar me lidhje familjare, apo profesionale apo interesi me mafian që të zgjidheshin deputetë, kryebashkiakë etj.

Tek ne ishin vetë mafiozët që kandidonin. Jemi në kuadrin e ligjit antimafia, fëmijët e tyre, apo persona të lidhur ngushtë me ta, janë në parlament.

Në vitin 2014, me firmën e Edi Ramës kanë qenë 19 deputetë me rekorde kriminale, më pas u bënë 22 se u shtuan të dënuarit. Nga 68 deputetë që fitoi, 22 i kishte me rekorde kriminale, kjo tregon se zgjedhjet e vitit 2013 në Shqipëri, nuk i ka fituar PS, apo Rilindaj, por krimi i organizuar.

Të gjithë emrat e përfshirë në këtë dosje, janë në librin e zi të farsës elektorale 14 majit 2023. Gjithçka është zbardhur.

Ky nuk është operacion i SPAK, por punë e policisë franceze, belge dhe holandeze.

Provat janë evropiane, detyra e SPAK ishte vetëm ti arrestonte, por as këtë nuk e bëri’, tha Gent Strazimiri në SYRI TV.

EMISIONI I PLOTE: 

© SYRI.net

Lexo edhe:

• Berisha: Koha fton çdo shqiptar të mos qëndrojë opozitar në letra. Të bashkohemi dhe t’i çjerrim çdo maskë regjimit
• Edhe një tjetër deputet i Bashës i bashkohet Partisë Demokratike
• SYRI TV/ Ilir Meta, konferencë me gazetarët: SPAK, aleat i verbër i Ramës