Nga Kimete Berisha - 12:53, 02/08/2023
Më vjen shumë keq për fjalën e Lirë, por Gjakova nuk është në Serbi!
Fjala e Lirë duhet të jetë e vërtetë! Përndryshe, fjala e Lirë - por e pavërtetë, është pallavër dhe të çon në robëri!
Ku ke parë ti këso Lirie që e mohon shtetin e vet!
Edhe nëse krejt bota çohen në këmbë dhe thonë se është normale që pronari i një media kombëtare shqiptare e konsideron veten gjakovar i Serbisë, e Kosovën - Serbi - ne nuk bën të pranojmë që Kosova është Serbi, se nuk është.
Nëse ia bëjmë qejfin një milioneri dhe plus me paret tona ia paguajmë qejfin që të jetë media e Serbisë, dalngadalë, duke i konsideruar shkeljet kushtetuese si gabime teknike - një ditë mund të bëhet 'normale' që Kosova të konsiderohet e Serbisë!
Është tragjedi e madhe që Kosova t'i nënshtrohet parapëlqimit të një tregtari që preferon të jetë shtetas i Serbisë.
Le të jetë.
Ji i Serbisë, ji ti i kujtdo që ta do zemra, por jo në emrin e Lirisë së fjalës ta mohosh shtetin e Kosovës.
Të isha gazetare e Klanit, e para do të largohesha nga një pronar që Kosovën e konsideron Serbi.
Sot Klan Kosovën po e mbrojnë veç gazetarët e saj, e pronari po hesht.
- Dil zotëri e trego çka dreqi ke nuk e ndryshon shtetësinë!
Unë prita se për një muaj do të bëhesh i Kosovës!
P.S. Liria e tepërt është robëri. (PLATO)
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
