“Gjendje e rëndë”, QKUK jep detaje për fëmijën që u aksidentua në Istog

22:37, 20/07/2026 Një fëmijë është transferuar në Qendrën Emergjente të Qendrës Klinike Universitare të Kosovës në gjendje të rëndë shëndetësore, pasi ka pësuar lëndime të rënda si pasojë e një aksidenti të rëndë në Shushicë të Istogut, ku mbetën të vdekur dy persona.
 

Drejtori i Klinikës Emergjente, Naser Syla, tha për Klankosova.tv se pacienti ka pësuar politraumë të rëndë dhe menjëherë pas pranimit i janë kryer të gjitha ekzaminimet e nevojshme diagnostike.

“Fëmija është pranuar në gjendje të rëndë, me politraumë si pasojë e aksidentit në komunikacion. Janë kryer të gjitha ekzaminimet e nevojshme dhe aktualisht pacienti ndodhet nën observim në Qendrën Emergjente. Pas përfundimit të vlerësimit dhe stabilizimit të gjendjes, trajtimi do të vazhdojë në Klinikën e Mjekimit Intensiv”, ka deklaruar Syla për redaksinë.

Kujtojmë se i lënduari është nipi i Ramiz Qorraj, 69-veçarit që vdiq si pasojë e aksidentit. Viktimë në këtë aksident mbeti edhe mbesa e 69-vjeçarit, 12 vjeçe.

© SYRI.net

Lexo edhe:

• Ish-kryetari Erden Atiq shpërthen në gjuhë vulgare pas vendimit të Albulena Haxhiut
• Nagavci: Nuk ka unitet për Vjosa Osmanin si kandidate konsensuale
• Infektiva liron pacientët e helmuar nga ushqimi, 19 prej tyre rezultuan me Salmonellë