Deputeti i Aleancës për Ardhmërinë e Kosovës, Bekë Berisha ka deklaruar për “Front Online” se partia ku bënë pjesë ai, nuk ka ndryshuar qëndrim sa i përket mundësisë së bashkëpunimit me Lëvizjen Vetëvendosje.
Berisha tha se AAK-ja mbetet në të njëjtën linjë politike që ka mbajtur edhe më herët.
“S’kemi qëndrim për të bashkëpunuar me LVV. Qëndrimi jonë është si i mëhershëm, nuk e ndryshojmë”, deklaroi Berisha.
Ditë më parë, ka pasur një reagim edhe nga PDK-ja lidhur me bashkëpunimin e mundshëm me Vetëvendosjen.
Deputetja e rizgjedhur e Partisë Demokratike të Kosovës PDK, Ariana Musliu-Shoshi pati deklaruar se partia ku bënë pjesë ajo ende nuk ka zhvilluar diskutime dhe nuk ka marrë ndonjë vendim lidhur me çështjen e zgjedhjes së presidentit.
“Ende nuk kemi diskutime e as vendim”, tha shkurt Musliu-Shoshi.
Sipas rezultateve të certifikuara të zgjedhjeve, Lëvizja Vetëvendosje ka siguruar 53 mandate në Kuvend. Partia Demokratike e Kosovës do të përfaqësohet me 22 deputetë, Lidhja Demokratike e Kosovës me 18 deputetë, ndërsa Aleanca për Ardhmërinë e Kosovës ka siguruar shtatë mandate.
© SYRI.net
Prokurori Kodraliu: Sulmi në Ibër-Lepenc ishte pjesë e një serie sulmesh ndaj sigurisë së Kosovës
Prokurori zbulon provën kyçe të FBI-së: Dheu në çizmet e të akuzuarve përputhet me vendin e sulmit në Ibër-Lepenc
Avokatët e të akuzuarve për sulmin në Ibër-Lepenc kundërshtojnë aktakuzën, pretendojnë se Prokuroria ka injoruar provat e mbrojtjes
Denonco
Merrni lajmet më të fundit nga SYRI.net në çdo moment dhe kudo që të jeni!
