Kurti thotë se ende po e pret certifikimin e rezultateve: Më pas pa humbur kohë do të kemi diskutimet e nevojshme

Kryeministri në detyrë, Albin Kurti, ka përsëritur se është në pritje të certifikimit të rezultateve të zgjedhjeve të 7 qershorit nga KQZ që më pas të nisë “pa humbur kohë” diskutimet me partitë tjera për formimin e institucioneve të reja.

“Së pari duhet ta presim certifikimin e rezultateve. Certifikimi i rezultateve duhet të presë për certifikimin e ankesave dhe më pastaj, pa humbur kohë, do të kemi komunikimet dhe diskutimet e nevojshme”.

Kurti nuk iu përgjigj gazetarëve që e pyetën se kë e preferon për koalicion. Ai u arsyetua se është duke u nxituar.

Kosova mbajti zgjedhje të jashtëzakonshme më 7 qershor pasi legjislatura e kaluar dështoi të zgjidhte Presidentin e ri. Me po këtë sfidë do të përballet edhe legjislatura e re me t’u formuar. Sidoqoftë, nga partia e Kurtit, e cila doli e para në zgjedhje, është paralajmëruar se fillimisht do të hidhet në votim Qeveria e më pas Presidenti.

© SYRI.net

Lexo edhe:

• Nisin patrullimet e përbashkëta mes Policisë së Kosovë dhe Shqipërisë: Synohet rritja e sigurisë dhe shërbimet efikase
• Tragjedia në Batllavë, reagon Bulliqi: Ngushëllime familjes, falënderim ekipeve që gjetën trupin e të riut
• Aksioni “Nafta”: Arrestohen disa persona, sekuestrohen para cash, dokumente dhe cisterna