Një operacion i gjerë policor ka nisur në orët e para të mëngjesit në më shumë se 40 lokacione në mbarë vendin për dyshime mbi një skemë të organizuar kriminale.
Sipas informacioneve të para, aksioni është duke u zhvilluar ndaj kompanive importuese nga Shqipëria që dyshohet se kanë importuar ujë në vend të derivateve të naftës.
Sipas IndeksOnline gjatë aksionit janë arrestuar disa persona, ndërsa janë sekuestruar para të gatshme (cash), dokumentacione të ndryshme që dyshohet se lidhen me aktivitetin nën hetim, kompjuterë, si dhe cisterna të përdorura në sektorin e derivateve të naftës.
Në operacion janë përfshirë Prokuroria Speciale, Njësia e hetimeve tatimore e Administratës Tatimore të Kosovës (ATK), Policia e Kosovës dhe Njësia e hetimeve e Doganës së Kosovës.
Zëdhënësja e Prokurorisë Speciale, Arbnora Luta, ka konfirmuar për Front Online se aksioni është duke u zhvilluar, por nuk dha detaje shtesë.
“Mund të konfirmojmë operacionin policor. Për më shumë detaje, do t’ju njoftojmë përmes një komunikate të përbashkët me Policinë e Kosovës”, deklaroi Luta.
© SYRI.net
Nisin patrullimet e përbashkëta mes Policisë së Kosovë dhe Shqipërisë: Synohet rritja e sigurisë dhe shërbimet efikase
Tragjedia në Batllavë, reagon Bulliqi: Ngushëllime familjes, falënderim ekipeve që gjetën trupin e të riut
Kurti thotë se ende po e pret certifikimin e rezultateve: Më pas pa humbur kohë do të kemi diskutimet e nevojshme
Denonco
Merrni lajmet më të fundit nga SYRI.net në çdo moment dhe kudo që të jeni!
