Fundi i monizmit të Listës Serbe duhet të ndodhë përfundimisht më 7 qershor

Nga Gurakuç Kuçi

Për vite me radhë, një pjesë e qytetarëve të Kosovës, përkatësisht komuniteti serb, është mbajtur peng, i kolonizuar politikisht dhe i detyruar ta shohë shtetin e vet, Republikën e Kosovës, si armike, vendin që u ofron siguri, mirëqenie dhe diskriminim pozitiv.

Beteja për demokraci brenda komunitetit serb është beteja për liri, e cila do të krijojë parakushtet e domosdoshme për paqe në të ardhmen e afërt.

Duke qenë se Lista Serbe kërkon monizmin dhe sundimin, 7 qershori është mundësia që kësaj mendësie t’i thuhet “stop”, duke votuar për subjektet tjera politike, siç është subjekti i Nenad Rashiq-it dhe ekipi i tij.

Ky ndryshim i qasjes nga monizmi drejt pluralizmit tregon se e ardhmja fiton mbi propagandën, se sirenat e thirrjeve për luftë marrin fund dhe se demokracia është e ardhmja.

Qytetarët serbë nuk kanë pse detyrohen më të marrin pjesë në thirrjet e luftërat e regjimeve autoritare që duan të bëjnë luftë e të vrasin njerëz të pafajshëm.
7 qershori duhet të jetë data kur populli serb në Kosovë

vendos jo për interesat e klaneve që tashmë kanë anëtarë të përfshirë në krim dhe terrorizëm, por për të ardhmen e tyre.

Votoni me mend dhe jepni fund kolonizimit politik nga regjimet që nuk i duan as aty ku e kanë pushtetin real, siç është regjimi i Vuçiqit në Serbi.

© SYRI.net

Lexo edhe:

• Përfundon votimi në shumicën e përfaqësive diplomatike, votuan mbi 80% e të regjistruarve
• FOTO/ Skandal i rëndë, Taulant Balla sulmon grupin e xhirimit të Reuters: Po këto serbë çfarë duan në Zvërnec
• KQZ: Letra që sugjeronte votën për VV-në ishte në katin ku ndodhet Konsullata në New York, por jo në derën e saj