LDK denoncon sulmet ndaj Osmanit e Abdixhikut, Manaj: Po përdoret edhe inteligjenca artificiale për dezinformim

Ish deputeti i Lidhja Demokratike e Kosovës, Shkëmb Manaj, ka bërë të ditur se partia ka dorëzuar një kërkesë në Departamentin për Krime Kibernetike lidhur me sulmet dhe fushatat që, sipas tyre, po zhvillohen kundër Vjosa Osmani dhe Lumir Abdixhiku.

I pyetur nëse kryeministri Albin Kurti është në dijeni të këtyre sulmeve, Manaj nuk dha një përgjigje direkte, por bëri thirrje që partitë politike t’i rikthehen debatit normal politik.

“LDK-ja mendon që këto sulme janë të koordinuara kundër Osmanit dhe LDK-së dhe si të tilla duhet të ndalen menjëherë, në mënyrë që t’i kthehemi debatit politik”, deklaroi Manaj.

Ai shtoi se sulmet ndaj figurave të LDK-së janë të papranueshme dhe kërkoi nga Policia e Kosovës që të ndërmarrë të gjitha masat ligjore për hetimin e rasteve.

“Sfida është që opinioni publik të mos dezinformohet nga lajme të pavërteta, shpifje dhe përmbajtje që kanë vetëm një qëllim – të çorientojnë publikun, duke përdorur lloj-lloj manovrash, përfshirë së fundi edhe inteligjencën artificiale”, tha ai.

Pretendime për përfshirje nga Maqedonia e Veriut

Ndërkohë, Syri.net, duke iu referuar burimeve të saj, pretendon se një pjesë e portaleve dhe komenteve në rrjetet sociale që sulmojnë Osmanin dhe LDK-në menaxhohen nga persona të lidhur me zyrën e Izet Mexhiti në Maqedonia e Veriut.

Sipas këtyre pretendimeve, aktivitetet online kryesisht lidhen me Adnan Azizi, shef i kabinetit të Mexhitit. Megjithatë, për këto pretendime ende nuk ka ndonjë konfirmim zyrtar nga institucionet përgjegjëse.

Po ashtu, Syri.net raporton se Vjosa Osmani pritet të zhvillojë së shpejti një takim me të ngarkuarën me punë të Ambasada e Shteteve të Bashkuara në Kosovë për ta njoftuar lidhur me rastin dhe shqetësimet për fushatat e pretenduara të koordinuara.

Kujtojmë se emri i Izet Mexhiti ishte përmendur edhe më herët në deklaratat politike lidhur me pretendimet për sigurimin e votave për ta bërë Albulena Haxhiu kryeparlamentare në vitin 2025. Këto pretendime ishin ngritur nga Ramush Haradinaj, por ishin mohuar nga Mexhiti./Syri.net

© SYRI.net

Lexo edhe:

• Eliminimi i kolonave në Veternik, Përparim Rama zbulon projektin për rrugë të reja për lehtësuar hyrjen në Prishtinë
• Kurti flet pas takimit me Hamzën, e pranon se nuk ka marrëveshje
• Hamza: PDK-ja në këtë mandat do të qëndrojë në opozitë, i urojmë suksese Kurtit