Armatim dhe pajisje ushtarake zbulohen në një shtëpi të braktisur në veri

Një arsenal armësh dhe pajisjesh ushtarake është zbuluar nga Policia e Kosovës në një shtëpi të vjetër dhe të pabanuar në fshatin Crepulë të Zubin Potokut.

Zbulimi është bërë më 16 maj 2026, rreth orës 12:30, nga njësia e NJRSH-së Veri gjatë patrullimit në zonë.

Sipas informacioneve, në vendin e ngjarjes janë gjetur:

• një armë automatike AK-47 prodhim jugosllav me një karikator të zbrazët,
• një pushkë ajrore prodhim gjerman me municion “Diabola”,
• një armë artizanale punim dore,
• një fishek i kalibrit të madh,
• një helmetë ushtarake,
• një çantë ushtarake me pajisje për pastrimin e armëve,
• si dhe një uniformë ushtarake e kamufluar.

Njësitë relevante të Policisë në Zubin Potok kanë dalë menjëherë në vendin e ngjarjes dhe kanë sekuestruar të gjitha armët dhe pajisjet e gjetura.

Deri në këtë fazë ende nuk është identifikuar personi që dyshohet se i posedonte armët.

Me konsultim të Prokurorit të Shtetit, rasti është iniciuar si “Mbajtja në pronësi, kontroll ose posedim të paautorizuar të armëve”.

Hetimet lidhur me rastin janë duke vazhduar.

© SYRI.net

Lexo edhe:

• Eliminimi i kolonave në Veternik, Përparim Rama zbulon projektin për rrugë të reja për lehtësuar hyrjen në Prishtinë
• Kurti flet pas takimit me Hamzën, e pranon se nuk ka marrëveshje
• Hamza: PDK-ja në këtë mandat do të qëndrojë në opozitë, i urojmë suksese Kurtit