Kryeministri i Kosovës, Albin Kurti, ka reaguar pas vdekjes së akademikut Rexhep Qosja, duke e cilësuar humbjen e tij si të madhe për kulturën dhe mendimin shqiptar.
Në një postim përkujtimor, Kurti theksoi se vepra e Qosjes do të jetojë gjatë dhe do të marrë një kuptim të ri pas ndarjes së tij nga jeta.
“Vepra e tij padyshim që do të jetojë shumë më gjatë se shekulli i tij. Mirëpo, fillimisht, vepra e tij nis një jetë të re sot: jetën pa autorin”, ka shkruar Kurti.
Ai vlerësoi se krijimtaria e gjerë e akademikut – nga studimet gjuhësore e kritika letrare, deri te romanet dhe ditarët historikë – do të rilexohet ndryshe nga brezat e rinj.
“Dhjetëra libra të Rexhep Qosjes tash fitojnë një tjetër lloj leximi dhe sigurisht edhe lexues të rinj”, thuhet në reagim.
Kryeministri theksoi gjithashtu rolin e jashtëzakonshëm të Qosjes në studimin dhe afirmimin e Rilindjes Kombëtare shqiptare.
“Askush nuk i ka njohur dhe ditur më thellë si dhe çmuar e afirmuar më lart rilindasit tanë sa akademik Rexhep Qosja”, u shpreh ai.
Kurti e përshkroi figurën e tij si shumëdimensionale, duke e cilësuar njëkohësisht gjuhëtar, historian, shkrimtar, mendimtar dhe dijetar.
“Populli shqiptar nuk ka një akademik tjetër bashkëkohor i cili kaq shumë kontribuoi për gjuhën dhe kombin tonë e njëkohësisht aq shumë u sulmua”, ka theksuar Kurti.
Në fund, ai e cilësoi Qosjen si një figurë të paepur, duke nënvizuar se, ndonëse u nda nga jeta, vepra e tij do të mbetet e gjallë përherë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër