Kryetari i Lidhjes Demokratike të Kosovës, Lumir Abdixhiku, ka komentuar takimin me kryeministrin Albin Kurti lidhur me procesin e zgjedhjes së presidentit, duke dhënë një përshkrim të drejtpërdrejtë të asaj që, sipas tij, është kërkuar nga pala tjetër.
“Aty kërkohej një president që… Përgjigja ishte që neve na duhet një president që, s’duhet ta them po do ta them, që merret me shoqatën e zjarrfiksave. I pret dhe i përcjell shoqatën e zjarrfiksave…”, ka thënë Abdixhiku.
Abdixhiku tha se ka shprehur gatishmëri për një marrëveshje të mirëfilltë politike, por vetëm nëse përfshihet edhe çështja e presidentit.
Sipas tij, pala tjetër ka ofruar diskutime për poste të tjera, por jo për zgjidhjen e çështjes së presidentit.
“I jam përgjigjur takimit. Në këtë përgjigje të takimit i kam shfaqur gatishmërinë që mund të bëjmë një marrëveshje klasike politike për çështjen e presidentit. Dhe pa këtë marrëveshje klasike politike, s’mund të flasim për çështje të tjera. Ai ofronte çështje të tjera, por nuk ofronte çështjen e presidentit…
Ne e kemi pas takimin e parë. Dhe kur jemi ulur në takimin parë ka thënë, gjasat me të mëdha i kemi me shku në zgjedhje. I thash unë jam ardh me shku në zgjedhje. Jam ardh me bë zgjidhje për të mos shkuar në zgjedhje. Po kishte të drejtë çka fliste, nëse nuk bëjmë asgjë shkojmë në zgjedhje. Por, se gjasat më të mëdha t’i kemi zgjedhjet, ishte një qasje jo fortë…”, ka thënë Abdixhiku në RTV Dukagjini.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër