Prokuroria Themelore në Ferizaj ka njoftuar se ka kërkuar nga Gjykata Themelore në Ferizaj, dega në Shtërpcë, caktimin e masës së paraburgimit ndaj të pandehurit E.L., zyrtar policor, i cili dyshohet për organizimin e skemave piramidale dhe bixhozit të paligjshëm.
Sipas Prokurorisë, ekziston dyshim i bazuar se, nga janari i vitit 2026, në territorin e komunës së Shtërpcës, i pandehuri ka organizuar lojëra fatit. Veprimet e tij janë realizuar online përmes faqes “888verona.club”, ku ai ka dërguar kredi në llogarinë e të dëmtuarit M.R. Pas lojërave të fatit, borxhi i grumbulluar nga M.R. ka arritur në vlerën e 14,500 eurove.
Sipas Prokurorisë, i njëjti me këto veprime do të kryente veprën penale “Organizimi i skemave piramidale dhe bixhozit të paligjshëm”.
I pandehuri që nga data 16 Prill 2026, me vendim të Prokurorit të Shtetit gjendet nën masën e ndalimit 48-orësh për veprën penale të lartëcekur.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër