Agjencia për Parandalimin e Korrupsionit ka publikuar deklarimin vjetor të pasurisë së Kryeministrit Albin Kurti, ku bie në sy një rënie e ndjeshme e kursimeve dhe rritja e shpenzimeve mujore.
Sipas të dhënave, Kurti ka deklaruar vetëm 16.41 centë para të gatshme në emër të tij, një shumë shumë më e ulët krahasuar me rreth 1800 euro që kishte deklaruar vitin e kaluar.
Në anën tjetër, bashkëshortja e tij ka të deklaruara 19 mijë e 500 euro, të ardhura nga paga dhe trashëgimia, ndërsa vajza ka 2 mijë euro kursime dhe 50 euro shtesë nga familjarët.
Sa i përket pasurisë së paluajtshme, nuk ka ndryshime. Është deklaruar banesa në emër të bashkëshortes, me vlerë rreth 530 mijë euro.
Ndërkohë, është rritur edhe qiraja e banesës ku jeton familja. Nga 250 euro sa paguhej më parë, tani është 350 euro në muaj.
Në listën e detyrimeve figuron kredia e bashkëshortes, me vlerë të mbetur prej 160 mijë euro.
Të hyrat vjetore të Kurtit janë 21 mijë e 315 euro nga paga si kryeministër, ndërsa bashkëshortja ka realizuar 51 mijë euro të ardhura.
Deklarimi i fundit ka nxitur reagime, sidomos për shumën simbolike të kursimeve në emër të kryeministrit, që ka tërhequr vëmendje të madhe në publik.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër