Deputeti i Lëvizjes Vetëvendosje, Enver Dugolli, për FrontOnline ka deklaruar se Komisioni për Çështjet e Sigurisë dhe Mbrojtjes ka miratuar vendimin e Qeverisë për dërgimin e Forcës së Sigurisë së Kosovës (FSK) në një mision stabilizues në Gaza, duke e cilësuar këtë si një hap të rëndësishëm për vendin.
“Ne në komision miratuam vendimin e Qeverisë për dërgimin e FSK-së në misionin të parin të këtij lloji në Gaza, për operacione stabilizuese dhe është zhvillim jashtëzakonisht i mirë edhe për FSK-në edhe për shtetin e Kosovës, për shkak se ne nuk jemi vetëm konsumues të sigurisë, por edhe kontribues të saj me aleatët tanë”, ka deklaruar Dugolli.
Ai ka theksuar bashkëpunimin e ngushtë me aleatët ndërkombëtarë, në veçanti me Shtetet e Bashkuara të Amerikës.
“Me SHBA-në kemi punuar gjatë si rezultat i miratimit të saj për Gaza dhe ne jemi përgatitur, kemi bërë të gjitha hapat e nevojshëm. FSK ka trajnuar e po trajnon personel që janë të gatshëm që t’i bashkohen aleatëve në këtë mision”, është shprehur ai për FrontOnline.
Dugolli ka siguruar se pjesëtarët e FSK-së do të kenë mbështetjen e plotë institucionale gjatë këtij angazhimi.
“Sigurimet do të jenë konform praktikave që ushtritë e botës i bëjnë, ne kemi marrë praktika nga SHBA se si i sigurojnë ata pjesëtarët e saj, edhe ne do t’i sigurojmë pjesëtarët tanë”, ka theksuar ai.
Në fund, ai ka bërë të ditur se Qeveria e Kosovës do të mbulojë të gjitha aspektet e nevojshme për këtë mision.
“Qeveria e Kosovës do t’u qëndrojë prapa atyre edhe me sigurime shëndetësore por edhe jetësore dhe sigurimeve tjera për pajisje, akomodim dhe ushqim dhe qeveria e Kosovës i mbulon në kuadër të standardeve”, tha Dugolli.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kapet drogë me vlerë 60 mijë euro në Kaçanik, arrestohen dy shtetas të huaj
Vdes në QKUK fëmija që ishte rrëzuar me trotinet elektrik në Gjilan
Këto janë çmimet e derivateve për sot dhe nesër