Këngëtari i njohur nga Maqedonia e Veriut, Shpat Kasapi, i cili u nda nga jeta më 26 nëntor 2025, do të përcillet sot për në banesën e fundit. Lajmi i trishtë është konfirmuar nga familja e tij, e cila ka publikuar detajet e ceremonisë mortore.
Homazhet për artistin do të zhvillohen sot, duke nisur nga ora 12:00 në Pallatin e Kulturës në Tetovë, ku miq, të afërm dhe adhurues të muzikës së tij do të kenë mundësi t’i bëjnë nderimet e fundit. Ceremonia e varrimit do të mbahet në orën 14:00, në varrezat e qytetit.
Në njoftimin e familjes thuhet mes tjerash:
“Me hidhërim të thellë kumtojmë ndarjen nga jeta të birit, bashkëshortit, babait, vëllait dhe mikut tonë të dashur. Shpati ishte një zemër e pastër, një shpirt i gëzueshëm që jetonte me këngë në buzë dhe me dritë në sy. Ai përhapte vetëm dashuri e mirësi, dhe kushdo që e njihte, e ndiente ngrohtësinë e tij. Largimi i tij i papritur na ka thyer zemrat. Do të na mungojë zëri i tij i butë, buzëqeshja e sinqertë dhe prania e tij qetësuese. Kujtimi i tij do të mbetet i paharruar për ne.”
Familja ka ftuar të gjithë ata që duan ta nderojnë kujtimin e artistit të marrin pjesë në ceremoninë mortore dhe t’i japin lamtumirën e fundit Shpat Kasapit.
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
