Ushtruesi i detyrës së ministrit të Drejtësisë, Blerim Sallahu, ka kërkuar nga U.D. Kryeprokurori i Shtetit, Besim Kelmendi, që të ndërmerren masa ndaj Kryeprokurorit të Prokurorisë Themelore në Mitrovicë, Njazi Rexha, duke e akuzuar për konflikt interesi dhe shkelje ligjore.
Përmes një shkrese zyrtare, Sallahu ka kërkuar që Rexha të përjashtohet nga trajtimi i mëtejmë i rastit, për shkak të ekzistimit të konfliktit të interesit, siç përcaktohet në Ligjin për Parandalimin e Konfliktit të Interesit dhe në Kodit e Procedurës Penale të Kosovës.
Ai ka kërkuar gjithashtu që Kryeprokurori i Shtetit ta marrë vetë nën juridiksion rastin, “me qëllim të zhvillimit efikas të procedurës dhe shmangies së çdo konflikti interesi”.
Në letrën e tij, ministri në detyrë ka shkuar edhe më tej — duke kërkuar që ndaj Rexhës të nisen hetime disiplinore dhe penale, përmes Këshillit Prokurorial të Kosovës, në bazë të Ligjit për Përgjegjësinë Disiplinore të Gjyqtarëve dhe Prokurorëve dhe Kodit Penal të Kosovës.
“Kërkoj që të ndërmerren të gjitha veprimet ligjore për përjashtim, hetim dhe përgjegjësi të Kryeprokurorit Rexha”, ka shkruar ndër të tjera Sallahu në shkresën drejtuar Kryeprokurorit të Shtetit.
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
