Lidhja Demokratike e Kosovës (LDK) ka reaguar ashpër pas një incidenti të përfshirë me deputetin e Lëvizjes Vetëvendosje, Xhelal Sveçla, të cilin e akuzon për “sjellje arrogante dhe kërcënuese” ndaj një aktivisti të saj.
Sipas LDK-së, Sveçla ka ndaluar një aktivist të partisë që po qëndronte në trotuar dhe e ka fotografuar pa pëlqimin e tij – veprim që, siç theksohet në reagim, “është i ndaluar me ligj dhe përbën shkelje të të drejtave themelore të qytetarëve”.
“Një reagim i tillë, i shoqëruar me tone agresive dhe sjellje denigruese, është shenjë e qartë e panikut dhe humbjes së kontrollit politik të atyre që për vite kanë keqpërdorur institucionet e shtetit”, thuhet në komunikatën e partisë.
LDK thekson se çdo qytetar i Republikës së Kosovës ka të drejtë të jetojë dhe të shprehet i lirë, pa frikë e pa presion, ndërsa sjellje të tilla përbëjnë “cenim të drejtpërdrejtë të standardeve demokratike”.
Në fund të reagimit, LDK i bën thirrje institucioneve të garantojnë “një mjedis të qetë, të sigurt dhe dinjitoz” për qytetarët gjatë procesit zgjedhor, duke theksuar përkushtimin e saj ndaj respektit dhe kulturës demokratike.
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
