Presidentja e Republikës së Kosovës, Vjosa Osmani, ka reaguar pas rastit të plagosjes dhe rrëmbimit të një qytetari serb të Kosovës nga autoritetet serbe.
Ajo theksoi se ky veprim është një tjetër dëshmi e qasjes hegjemoniste të Serbisë, e cila çdo ditë zhvillon propagandë e shpërndan dezinformata për të ashtuquajturat të drejta të serbëve në Kosovë, ndërkohë që vetë i sulmon dhe i torturon ata që guxojnë të flasin kundër regjimit të Aleksandar Vuçiqit.
“Serbia, e cila çdo ditë bën propagandë e dezinformata për të drejtat e serbëve në Kosovë, ka plagosur dhe më pas ka kidnapuar një qytetar serb të Kosovës. Kjo është edhe një dëshmi shtesë e qasjes së saj hegjemoniste, ku çdo qytetar që guxon të flasë të vërtetën rreth regjimit autokratik të Vuçiqit, sulmohet dhe torturohet në mënyrën më barbare të mundshme,” – ka deklaruar Osmani.
Kreu i shtetit ka kërkuar reagim të menjëhershëm nga bota demokratike për të ndaluar këto akte që, sipas saj, synojnë të rrezikojnë paqen dhe stabilitetin në rajon.
Osmani gjithashtu ka bërë thirrje për unitet të skenës politike në Kosovë përballë tendencave destabilizuese të Serbisë:
“Skena politike në Kosovë duhet të flasë me një zë në mbrojtje të Kosovës dhe qytetarëve të saj.”
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
