Deputetja e Lëvizjes Vetëvendosje, Jeta Statovci, ka reaguar pas deklaratave të ish-ministres Hykmete Bajrami, e cila ka fajësuar presidenten Vjosa Osmani për rezultatin e dobët të LDK-së në zgjedhjet e vitit 2021.
Statovci ka kujtuar se vetë LDK-ja e kishte përjashtuar Osmanin nga partia, duke theksuar se “kostoja elektorale e 12%” ishte pasojë e shkeljes së demokracisë së brendshme dhe arrogancës politike të asaj kohe.
“Zonja Bajrami paska harruar se Presidenten Osmani, partia e saj e ka përjashtuar nga LDK, se kostoja elektorale e 12% ka qenë pasojë e shkeljes së demokracisë së brendshme në LDK, por edhe jashtë saj. Përjashtuan personin me besimin më të lartë elektoral që nga Presidenti Rugova,” ka shkruar Statovci.
Ajo ka shtuar se LDK-ja atëherë ka prishur besimin me qytetarët, ka dërguar vendin në zgjedhje gjatë pandemisë dhe ka bashkëpunuar me një PDK “të pareformuar”.
Në fund, deputetja paralajmëron LDK-në që të tregojë kujdes me sulmet ndaj Presidentes, duke theksuar se “me konsistencën ideologjike dhe trashëgiminë e Rugovës që përfaqëson Osmani, ajo mund ta rikthejë LDK-në sërish në 12%.”
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
