Radio Televizioni i Kosovës (RTK) po përballet me kritika për mënyrën e raportimit të rastit të Armend Zemajt, pasi kronika e transmetuar në lajmet qendrore të sontme është cilësuar si e njëanshme dhe e pabalancuar.
Në edicionin qendror, RTK transmetoi intervistën me mërgimtarin Nuha Osmani, i cili është palë e përfshirë në rastin në fjalë. Sipas raportimit të Express, Osmani dyshohet të jetë familjar i redaktorës përgjegjëse të lajmeve qenderore në RTK, e cila, sipas të njëjtit burim, ka qenë në detyrë po këtë mbrëmje kur kronika u transmetua.
Kjo ka ngritur dyshime për konflikt interesi dhe mungesë të paanshmërisë profesionale në mbulimin e lajmit.
Përveç kësaj, RTK nuk e transmetoi as komunikatën e Lidhjes Demokratike të Kosovës (LDK), e cila përbënte qëndrimin e palës tjetër të përfshirë në rast – gjë që ka shtuar akuzat për raportim të njëanshëm nga televizoni publik.
Nga RTK deri tani nuk ka një sqarim publik lidhur me pretendimet për përanshmëri dhe konflikt interesi në këtë rast.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vazhdon trendi i rënies së çmimit të naftës në Kosovë
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 