NISMA e gatshme të bisedojë me Kurtin për Qeverinë, Izmaku: Duhet të sqarohet pozita e Dimal Bashës

Nisma Socialdemokrate do t’i përgjigjet pozitivisht ftesës nga Lëvizja Vetëvendosje për të biseduar rreth formimit të qeverisë së re.

Ndërkohë që kanë mbetur edhe dymbëdhjetë ditë afat për formimin e qeverisë nga Lëvizja Vetëvendosje, si partia e parë në zgjedhjet e 9 shkurtit, deputetja e Nisma-s, Xhevahire Izmaku, thotë për KosovaPress se partia e saj “ka një përgjegjshmëri politike dhe s’ka asnjë arsye mos me qenë në tavolinë të diskutimit me LVV-në”.

Ajo thekson se nëse formimi i qeverisë së re varet vetëm nga tri votat e Nisma Socialdemokrate, “atëherë në raport me krijimin e institucioneve të reja nuk do të ketë kushte”.

Megjithatë, Izmaku thekson domosdoshmërinë që të “sqarohet pozita e kryetarit të Kuvendit”, pasi sipas saj, legjislativi nuk duhet të funksionojë me një figurë e cila ka krijuar përçarje, raporton KosovaPress.

© SYRI.net

Lexo edhe:

• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’
• Hashim Thaçi i qeshur në imazhin e fundit të ndarë nga djali i tij
• Vazhdon trendi i rënies së çmimit të naftës në Kosovë