Ish-deputeti Danush Ademi u sulmua në ditën e zgjedhjeve, policia jep detaje

Ish-deputeti Danush Ademi nga Unioni Republikan i Ashkalinjëve në Ferizaj, njëherësh kandidati për asamble komunale, u raportua se është sulmuar në ditën e zgjedhjes.

Policia ka njoftuar se Ademi është sulmuar pas një mosmarrëveshjeje verbale. Rasti ka ndodhur në Dubravë të Ferizajt.

“Me datën 12.10.2025, rreth orës 16:30 Fshati Dubravë, Komuna e Ferizajt Policia në Ferizaj ka shoqëruar në stacionin policor personin e dyshuar, mashkull kosovar, pasi i njëjti dyshohet se, pas një mosmarrëveshjeje verbale, ka sulmuar personin tjetër, ankuesin – mashkull kosovar”, ka thënë për Reporteri.net, zëdhënësi i Policisë për këtë rajon, Kanun Veseli.

Me urdhër të prokurorit të rastit, pas intervistimit, i dyshuari është liruar në procedurë të rregullt.

© SYRI.net

Lexo edhe:

• Kurti s’deklarohet a do të bëjë marrëveshje, ‘komunikimet i fillon pas certifikimit të rezultateve’
• Hashim Thaçi i qeshur në imazhin e fundit të ndarë nga djali i tij
• Vazhdon trendi i rënies së çmimit të naftës në Kosovë