Ekspertja mjeko-ligjore: Konstatimet tona bazohen nga deklaratat e viktimave, s’i kemi ekzaminuar

Ekspertja mjeko-ligjore, Catherine Nicola Black, theksoi se raporti i tyre bazohet në deklaratat e viktimave dhe jo në ekzaminime të drejtpërdrejta.

Ajo shpjegoi se dokumentuan literaturën për të identifikuar simptoma psikologjike, por nuk mund të flasin për gjendjen shëndetësore të individëve.

Black theksoi se informacioni i përdorur nuk ishte përgatitur posaçërisht për këtë qëllim.

“Ajo që kemi bërë ne në këtë rast është se ne e dokumentuam literaturën edhe pamë nëse mund të gjenim simptoma psikologjike që ne i njohim nga literatura. Ne nuk i kemi ekzaminuar asnjë prej personave. Kjo është e vërtetë”, tha Black, raporton “Betimi për Drejtësi“.

Ajo shtoi se nuk mund të flas për këta persona nga pikëpamja shëndetësore.

“Unë nuk mund të flas për këta persona nga pikëpamja mjekësore apo shëndetësore e tyre, por mund të shtoj këtë: dokumentet që përdorëm ne për të marrë informacionin, nuk ishin dokumente të përgatitura posaçërisht për gjendjen e tyre shëndetësore. Intervistat nuk ishin për gjendjen e tyre shëndetësore, sidoqoftë kishte materiale në këto dokumente që përputheshin me literaturën që kemi gjetur ne në këtë pikë”, tha Black.

© SYRI.net

Lexo edhe:

• FOTO/ Kërcënohen protestuesit: Tërhiquni nga protesta anti-qeveritare, më mirë një jetë e qetë se dosje kriminale
• LDK-ja kërkon Presidencën, Lutfi Haziri thotë se ka edhe konsensus: Ose unë, ose Lumir Abdixhiku
• E zuri gjumi në timon dhe u përplas me kamionin, detaje nga aksidenti tragjik në Lezhë