Ministri në detyrë i Punëve të Brendshme, Xhelal Sveçla, njoftoi sot hedhjen e gurthemelit për ndërtimin e stacionit të ri të Policisë së Kosovës në Zubin Potok.
Ai tha se ky stacion modern do të sigurojë infrastrukturën e nevojshme për pjesëtarët e Policisë dhe do të shërbejë si burim sigurie dhe adresë raportimi për të gjithë qytetarët, pa dallim.
Sveçla shtoi se mbeten të përkushtuar në ruajtjen e sigurisë së qytetarëve, qetësisë publike, si dhe të sovranitetit dhe integritetit territorial të vendit.
“Sot, hodhëm gurthemelin e stacionit të ri të Policisë së Kosovës në Zubin Potok. Ky stacion modern do të jetë infrastrukturë e nevojshme për pjesëtarët e Policisë sonë dhe burim i sigurisë e adresë e raportimit për të gjithë qytetarët pa dallim. Sigurisë më të lartë po ia shtojmë edhe infrastrukturën më të mirë. Mbetemi të përkushtuar në ruajtjen e sigurisë së qytetarëve, qetësisë publike e, pa dyshim, edhe sovranitetit e integritetit territorial të vendit tonë”, ka shkruar Sveçla.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare
VIDEO-Investigimi i parë i Plug/ Vilma Nushi e Check up financoi kullën e babait të Ervin Matës