Mediat 'iraniane' në Tiranë

Para pak ditësh, Bajram Begaj u bë personazh memesh në Tiranë dhe jashtë vendit kur kërcënoi Iranin.

Por përtej ironisë së mediave online, ajo që bie në sy është heshtja e 'liderit global' për konfliktin mes Izraelit dhe Iranit.

Është po ai personazh që nuk lë asnjë gjë pa komentuar, nga konfliktet në Armeni e deri tek situata politike në Spanjë.

Po nëse Edi Rama po hesht, të paktën 'ushtarët' e tij mediatike nuk po bëjnë të njëjtën gjë.

Në krye të fushatës kundër Izraelit, personalisht dhe me median e tij është vendosur Baton Haxhiu.

Pikërisht i njëjti Baton që pozonte krenar në krah të Lavrovit rus bashkë me Edi Ramën, kur dihet se se Rusia është aleati i madh i Iranit.

Rama ka lëshuar Batonin kundër Izraelit, kurse vetë po merret me postime turistike.

Akoma më e frikshme bëhet situata po të shohësh postimet e medias së Batonit. 

Thuajse të gjitha postimet janë kundër Izraelit, ndërsa ai ngjan si një zëdhënës i Teheranit dhe Moskës.

Po të shikosh edhe profilet e mediave ruse, si Rusia Today, ka më shumë balancë. 

Jo pak prej këtyre janë edhe fake news.

Kujtojmë se janë të njëjtat media që lajmet për Kosovën i marrin nga mediat online serbe.

© SYRI.net

Lexo edhe:

• Ministria e Infrastrukturës dështon në komunikim: Njoftime zyrtare plot gabime drejtshkrimore
• LIVE/ 'Rama jepe dorëheqjen!' Vijon protesta qytetare
• VIDEO-Investigimi i parë i Plug/ Vilma Nushi e Check up financoi kullën e babait të Ervin Matës