Hykmete Bajrami shihet me një dokument para fillimit të seancës, ua tregon deputetëve të PDK’së

Deputetja e Lidhjes Demokratike të Kosovës, Hykmete Bajrami, është parë me një dokument në dorë para fillimit të seancës.

E njëjta më pas me atë dokument është afruar tek grupi i deputetëve të PDK’së, ku po qëndronin Memli Krasniqi, Abelard Tahiri, Vlora Çitaku dhe deputetja e AAK’së, Time Kadriaj. Dokumentin më pas e ka marrë Tahiri.

Ata janë parë duke biseduar mes vete për disa minuta. Pastaj Bajrami është larguar prej aty, e dokumenti mbeti tek Tahiri.

Para se të shkonte tek deputetët e PDK’së, Bajrami i është afruar deputetit të LDK’së, Krenar Xhaferit, i cili duket se nënshkruan dokumentin.

Ndryshe, Kuvendi i Kosovës sot vazhdon tentativën e 13-të për konstituimin e legjislaturës së re të dalë nga zgjedhjet e 9 shkurtit. Bllokada në Kuvend është krijuar tek çështja e zgjedhjes së kryeparlamentarit. 

© SYRI.net

Lexo edhe:

• Komuna e Prishtinës thotë se ka marrë pëlqimin nga Instituti për ndërtimin e Tregut të Gjelbër, rifillojnë punimet
• MPJD për Samitin e NATO’s: S’marrim pjesë sepse s’jemi anëtar, në raste të veçanta ftohen partnerët
• 'A ka ndonjënjeri që i beson 'Tahos'? Pervesitet' Ish deputeti i PS-së kundër Ramës e Ballës për baltosjen e dëshmorëve të UÇK-së