Mekanizëm i ri për të dalë nga kriza, Vetëvendosja propozon votim të fshehtë, LDK dhe PDK kundër

Lëvizja Vetëvendosje po i provon të gjitha për të dalë nga ngërçi në kuvendin e Kosovës, përveç përmbushjes së kërkesës së partive të tjera.

Kryesuesi i seancës konstituive, Avni Dehari, propozoi mbajtjen e një votimi të fshehtë për zgjedhjen e kryeparlamentares Albulena Haxhiu. Ai kërkoi që votimi të bëhet përmes fletëve. Por kjo është pasuar nga një kundërshtim i ashpër i partive të tjera.

Kreu i PDK-së, Memli Krasniqi, akuzoi Lëvizjen Vetëvendosje për shndërrimin e kuvendit të Kosovës në një cirk. Edhe Lidhja Demokratike e Kosovës, përmes deputetes Hykmete Bajrami, refuzoi pjesëmarrjen në votimin e fshehtë, ndërsa paralajmëroi edhe dërgimin e procedurave të ndjekura në seancë për shqyrtim në Gjykatën Kushtetuese.

Kërkesa e Deharit është kundërshtuar edhe nga AAK-ja si dhe Lista Srpska. Megjithatë edhe kjo seancë përfundoi në dështim. Ndryshe nga herët e kaluara, nuk u propozua kandidati për kryetar të Kuvendit nga partia fituese e zgjedhjeve, Lëvizja Vetëvendosje. Madje në seancë nuk u miratua as përbërja e anëtarëve të komisionit verifikues. 

© SYRI.net

Lexo edhe:

• Rama në panik, fillon punë si ‘Algoritëm’: Bëhet flamingo
• Prokuroria ngre aktakuzë për përgatitje të vrasjes së rëndë
• Haxhiu: Fillimisht formimi i qeverisë, pastaj zgjedhja e presidentit