Spitali Isa Zllami në Bajram Curr, Tropojë, po përjeton kushte të mjerueshme, ndërsa qytetarët e zonës janë lënë në harresë nga institucionet përgjegjëse për shëndetësinë. Ky denoncim ka ardhur nga banorët e Tropojës, të cilët përmes një postimi në Instagram, shprehen se spitali është i pafunksionueshëm dhe nuk ofron shërbime përkatëse. Ata thonë se, kur shkojnë për shërbim, atyre u thuhet të drejtohen për ndihmë në Gjakovë, duke nënkuptuar dështimin e autoriteteve për të siguruar shërbime bazë për qytetarët në këtë zonë.
Përgjegjësia për këtë situatë, sipas denoncimit, bie mbi Ministrinë e Shëndetësisë dhe drejtuesit e spitalit që nuk kanë ndërmarrë asnjë hap për përmirësimin e kushteve, përkundrazi kanë toleruar një situatë të papranueshme për popullin.
Në një kohë kur fushata zgjedhore është në kulm dhe politikanët kërkojnë mbështetje për një mandat tjetër, ka një kontradiktë të madhe: si mund të kërkohet mbështetje për një mandat tjetër kur spitalet, të cilat janë jetike për shëndetin e qytetarëve, lihen në këto kushte?
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare
VIDEO-Investigimi i parë i Plug/ Vilma Nushi e Check up financoi kullën e babait të Ervin Matës