“Ngushëllime president, bëhu i fortë”, Hashim Thaçi përkulet para varrit të babait, bashkëfshatarët e ngushëllojnë

Tri ditë pas varrimit të babait të tij, ish-presidentit Hashim Thaçi, i është lejuar vizita në Kosovë.

Tri ditë pas varrimit të babait të tij, ish-presidentit Hashim Thaçi, i është lejuar vizita në Kosovë.

Ai sot ka qëndruar tek varri i babait të tij në Burojë, ku ka vendosur një kurorë me lule.

Me trishtim në fytyrë  ndërkohë që është përkulur para varrit të babait, Thaçi është ngushëlluar nga bashkëfshatarët e tij.

“Ngushëllime president, bëhu i fortë e jemi krenarë me babain tuaj dhe me ty”, janë dëgjuar duke thënë ata.

Haxhi Thaçi, vdiq të dielën pas një sëmundje të rëndë, ndërsa u varros të martën në Burojë të Skenderajt.

Ai një kohë ishte i shtrirë në spital, për shkak të gjendjes së keqe shëndetësore.

Pak ditë para se ai t’i mbyllte sytë, atë në spital e vizitoi djali i tij, ish-presidenti Hashim Thaçi. Thaçi të enjten e kaluar qëndroi në Kosovë nën masa të rrepta sigurie, ndërsa babai i tij mbylli sytë tri ditë më pas.

© SYRI.net

Lexo edhe:

• Ministria e Infrastrukturës dështon në komunikim: Njoftime zyrtare plot gabime drejtshkrimore
• LIVE/ 'Rama jepe dorëheqjen!' Vijon protesta qytetare
• VIDEO-Investigimi i parë i Plug/ Vilma Nushi e Check up financoi kullën e babait të Ervin Matës