Ganimete Musliu e PDK-së i ka quajtur “Dhomat e Politizuara”, Dhomat e Specializuara në Hagë, për shkak se ish-presidentit Hashim Thaçi nuk iu lejua të marrë pjesë për sot në varrimin e babait të tij, Haxhi Thaçi.
Sipas Musliut, një gjë e tillë s’është drejtësi, por një akt i turpshëm.
“Vendimi për mos ta sjellur Presidentin në varrim të babait të tij është edhe një provë shtesë se kjo gjykatë e turpit tonë kolektiv po abuzon me çdo vlerë njerëzore”, shkruan mes tjerash Musliu në Facebook.
Postimi i plotë:
DHOMAT E POLITIZUARA të Kosovës në Hagë, edhe njëherë po demonstron forcën në vend të drejtësisë duke e penguar djalin të marrë pjesë në varrimin e babait të vet. Kjo nuk është drejtësi, ky është një akt i turpshëm që dëshmon se sa larg mund të shkojë kjo gjykatë e cila po e turpëron drejrësinë në thelbin e saj.
Vendimi për mos ta sjellur Presidentin në varrim të babait të tij është edhe një provë shtesë se kjo gjykatë e turpit tonë kolektiv po abuzon me çdo vlerë njerëzore.
Asnjë gjykatë dhe asnjë gjykatës i shitur për interesa puro politike nuk do t’ia dali të përbaltë çlirimtarët e kësaj toke. Krenaria jonë do ta sfidon çdo prepotencë ndërkombëtare të kamufluar nën petkun e drejrësisë.
Ka ardhë koha që organi që e bëri te mundur këtë fars të drejtësisë nderkombëtare, ta ç’bëjë! Jemi me Ty, President! Zoti ta shtoftë durimin dhe të dhuroftë forcën për të përballuar dhimbjen për humbjen e babait tënd. Qendro stoik siç ke qendruar gjithmonë”, ka shkruar Musliu.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare
VIDEO-Investigimi i parë i Plug/ Vilma Nushi e Check up financoi kullën e babait të Ervin Matës