Sulmet dhe akuzat e rënda ndaj mediave, Prokuroria autorizon policinë që të nisë hetimet ndaj Sami Kurteshit

Prokuroria Themelore në Prishtinë ka autorizuar Policinë e Kosovës që të ndërmarrin veprimet e nevojshme hetimore për anëtarin e Lëvizjes Vetëvendosje në Komisionin Qendror të Zgjedhjeve, Sami Kurteshi, i cili dy ditë më parë bëri akuza të rënda ndaj mediave.

Kështu kanë konfirmuar nga Prokuroria Themelore në Prishtinë.

“Lidhur me pyetjen tuaj të cilën e keni parashtruar ju njoftojmë se Prokuroria Themelore në Prishtinë ka autorizuar Policinë e Kosovës që të ndërmarrin veprimet e nevojshme hetimore”, thuhet në përgjigjen e tyre.

“Qen të mediave” dhe “media kriminale të vrasësve me pagesë” ishin disa nga epitetet që Kurteshi përdori në adresë të gazetarëve. “

Për gjuhën e anëtarit të VV-së, reagoi Asociacioni i Gazetarëve të Kosovës (AGK).

AGK-ja ka kërkuar nga Lëvizja Vetëvendosje që të sigurojë që përfaqësuesi i saj në KQZ të përmbahet nga gjuha fyese dhe kërcënuese ndaj mediave dhe të mos pengojë punën e gazetarëve.

© SYRI.net

Lexo edhe:

• Ministria e Infrastrukturës dështon në komunikim: Njoftime zyrtare plot gabime drejtshkrimore
• LIVE/ 'Rama jepe dorëheqjen!' Vijon protesta qytetare
• VIDEO-Investigimi i parë i Plug/ Vilma Nushi e Check up financoi kullën e babait të Ervin Matës