Hashim Thaçi tash e tri orë brenda QKUK-së, vazhdon vizita e tij te babai i sëmurë në Klinikën Interne

Ish-presidenti i Kosovës, Hashim Thaçi, tash e tri orë ndodhet në QKUK duke e vizituar babain e tij, i cili ndodhet i shtrirë në Klinikën Interne.

I rrethuar nga forcat e shumta policore dhe ato të EULEX-it, Thaçi u soll rreth orës në QKUK rreth orës 11:00.

Ai u prit me thirrjet “UÇK-UÇK”, ndërsa përshëndeti me dorë edhe qytetarët që ishin mbledhur për të.

Tashmë kur janë bërë tri orë që kur Thaçi po qëndron brenda QKUK-së, numri i qytetarëve që po presin për ta parë ish-presidentin nga afër, veçse është rritur.

Krahas qytetarëve, aty është parë edhe vëllai i tij, Gani Thaçi.

Thaçit deri më tani i ishin refuzuar disa kërkesa për ta vizituar babanë e sëmurë.

Vizita e tij po zhvillohet në masa të rrepta sigurie, jo vetëm jashtë qendrës së QKUK-së por edhe brenda saj.

Në media është raportuar se Thaçi ka të drejtë të vizitoj babanë e tij vetëm brenda ditës së sotme.

Po ashtu, si kusht e ka që brenda të jetë edhe policia edhe një përkthyes, që të dihet gjithçka çfarë bisedohet.

© SYRI.net

Lexo edhe:

• Ky është parashikimi i motit për javën e ardhshme
• Rritet çmimi i banesave për 5.3 përqind
• Në përfundim të “Vidovdanit” në Gazimestan ndalohen disa serbë që kënduan këngë nacionaliste