Lideri i opozitës Sali Berisha e cilësoi antikombëtare ndërhyrjen e Edi Rama në punët e brendshme të Kosovës. Sipas Berishës, çdo ndërhyrje e Ramës në procesin e dialogut është e kordinuar me Aleksandër Vuçiç dhe në dëm të Kosovës. I pyetur për mungesën e tij në këtë mbledhje, lideri i opozitës deklaroi se nuk mund të shkonte në një mbledhje bashkë me atë që e cilëson Pashiqin e Shqipërisë, e për më tepër me refuzimin që iu bë nga mazhoranca miratimit të rezolutës së për gjenocidin serb.
Në një kohë që kryeministri Edi Rama nga mbledhja e dy kuvendeve zgjodhi sulmet dhe kritikat ndaj Prishtinës zyrtare, Lideri I opozitës Sali Berisha dënoi aktet e kryeministrit shqiptar në dëm të kosovës. Në bashkëbisedimin me gazetarët, Berisha akuzoi Edi Ramën se qëndrimi I tij kundër Kosovës është I bashkrenduar me Aleksandër Vuçiç, ndërsa e cilësoi antikombëtare çdo ndërhyrje të Shqipërisë në procesin e dialogut.
Çdo ndërhyrje të Shqipërisë në problemin e dialogut Prishtinë-Beograd e konsideroj antikombëtare. E konsideroj absolutisht bllokuese dhe jo nxitëse për zgjidhjet.
Të gjitha propozimet e Edi Ramës, qëndrimet e bashkërenduara me Aleksandër Vuçiçin si argat i tij, kanë sjellë vendnumëro në procesin e negociatave, madje edhe acarime serioze midis këtyre dy vendeve.
Shqipëria nuk mund të jetë as ndërmjetës, as pjesëmarrës. Shqipëria qëndron në anën e Kosovës.
Shprehet për dialogun, por çdo hap tjetër i Shqipërisë e dëmton dialogun. Nuk ka asnjë tagër qeveria e Tiranës të japë formula apo skema, aq më tepër një qeveri që shpallte Dnjepër veriun e Kosovës.
Aq më tepër një qeveri, e cila i thoshte Kosovës nënshtrohu ose do shkosh në kohën e bronzit.
Aq më tepër një njeri, që i vendosi i pari në Europë sanksione Kosovës.
Aq më tepër një njeri, i cili u përzie në plane për ndarjen, copëtimin e Kosovës me Beogradin.
Një njeri që përkrahu Ballkanin e Hapur, një projekt të qartë ruso-serb.
Por ka një zhvillim pozitiv këtu. Qeveria aktuale e Kosovës ka dëshmuar meritën për t’i shumëzuar me zero, për t’ia kthyer reston Pashiqit të Tiranës, njëlloj si Pashiqit të Beogradit.
I pyetur nga gazetarët për mungesën e tij në këtë mbledhje, Berisha u shpreh se më parë duhet kërkuar falje qytetarëve të Kosovës, për atë që sot qeveria shqiptare dhe Edi Rama po bën kundër tyre.
© SYRI.net
Dega e LDK-së në Pejë kërkon dorëheqjen e lidershipit pas rezultatit në zgjedhjet e 7 qershorit
Beogradi zyrtar mbron hapur Radoiçiqin, Petkoviq e quan “patriot” organizatorin e sulmit terrorist në Banjskë
Gola në Këshill të Evropës: Banjska është e vërteta e pakëndshme me të cilën Serbia do të përballet herët a vonë
Denonco
Merrni lajmet më të fundit nga SYRI.net në çdo moment dhe kudo që të jeni!
