Kurti mbërrin në Sarajevë, mediat në Bosnje publikojnë pamjet

Kryeministri i Kosovës, Albin Kurti ka zbarkuar në Aeroportin Ndërkombëtar të Sarajevës nga Zagrebi, raporton Avaz.

Kurti nesër do të flasë në një aktivitet të organizuar nga Shoqata e Intelektualëve të Pavarur “Rrethi 99”.

Sipas informacioneve të Avaz-it, është planifikuar takim edhe me nënkryetarin e Bosnjë-Hercegovinës, Refik Lendo.

Kjo është vizita e parë e Albin Kurtit në Bosnje dhe Hercegovinë dhe është interesant fakti se nuk ka pasur njoftim për vizitë nga institucionet në Bosnje dhe Hercegovinë.

Zëdhënësi i Qeverisë së Kosovës ka konfirmuar sot se Albin Kurti po arrin në Bosnje dhe Hercegovinë nga Brukseli.