Zëvendësministri i Infrastrukturës, Hysen Durmishi, ka mbikëqyrur sot punimet që po bëhen për t’u funksionalizuar devijimi në kanalin e Ibër-Lepencit, pas sulmit që u krye të shtunën.
Durmishi ka thënë se me intensitetin e punimeve që po kryhen aktualisht gjatë kësaj jave do të përfundojë devijimi, ashtu që javën tjetër të fillohet me sanimin e përhershëm të kanalit.
“Në kanalin e Ibër Lepencit po punohet pandërprerë që të funksionalizohet devijimi. Me këtë intensitet të punimeve gjatë kësaj jave do të përfundon devijimi në mënyrë që javën tjetër të fillojmë me sanimin e përhershëm të kanalit”, ka shkruar Durmishi, teksa ka publikuar edhe disa fotografi.
Ndryshe, kanali i ujit të Ibër-Lepencit u sulmua mbrëmjen e së premtes. Nga ky kanal furnizohen me ujë disa qytete të vendit përmes Liqenit të Ujmanit, si dhe Korporata Energjetike e Kosovës për ftohjen e termoelektranave të saj.
Pas këtij sulmi, Këshilli i Sigurisë ka aprovuar masa shtesë për të forcuar sigurinë rreth objekteve dhe shërbimeve kritike si ura, trafostacione, antena, liqene, kanale etj. Policia e Kosovës dhe Forca e Sigurisë së Kosovës janë aktivizuar në terren për këtë qëllim.
Kosova ka akuzuar për këtë sulm Serbinë.
Sulmi është dënuar edhe nga përfaqësues ndërkombëtarë në Kosovë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Hashim Thaçi i qeshur në imazhin e fundit të ndarë nga djali i tij
Vazhdon trendi i rënies së çmimit të naftës në Kosovë
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve