Pas reagimeve të shumta se si Ministria e Bujqësisë, Pylltarisë dhe Zhvillimit Rural, ia ka refuzuar grantin grave të Krushës, e i ka dhënë grant vëllait të deputetes së VV’së, Fitore Pacollit, Ministri Faton Peci u ka hyrë arkivave të Ministrisë e ka nxjerrë disa dokumente.
Peci ka zbuluar se Fahrie Hoti ishte paditur nga Ministria e Bujqësisë në vitin 20., shkruan Reporteri.net.
“A dini që në vitin 2017 Ministria e Bujqësisë e ka paditur znj. Fahrie Hoti përkatësisht Kooperativën Bujqësore “KRUSHA” dhe i ka kërkuar kthimin e 17,800 eurove që i kishin fituar si grant? Tash e dini. Media kemi pasur edhe në vitin 2017. Por në lajme nuk e kemi parë asnjëherë. Për rikujtim në vitin 2017, qeverisnin bashkë LDK dhe PDK. Kryeministër ishte Isa Mustafa (LDK). Ministër i Bujqësisë ishte Memli Krasniqi (PDK).”, ka shkruar Peci.
Ai ka paralajmëruar se nesër do të tregojë edhe se si Grave të Krushës u ishin refuzuar grantet edhe nga qeveria Haradinaj.
“Kurse nesër do t’iu tregoj se si Grave të Krushës u janë refuzuar grantet edhe nga qeveria Haradinaj”, ka shkruar tutje Peci.
Në dokumentin e publikuar nga Peci, kthimi i mjeteve kërkohet me arsyetimin “për mospërmbushje të obligimeve sipas Kontratës dhe Vendimit për mbështetje për programin e Zhvillimit Rrual”.
© SYRI.net
Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
'Rama jepe dorëheqjen!' Marshimi protestë nuk ndalet - sot dita e 23-të 
VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
