Vuçiç shpërfill BE dhe SHBA, shkon në origjinë: Do të vizitojë Moskën me ftesë të Putinit

23:06, 19/11/2024 Mediat serbe shkruajnë se Presidenti Aleksandar Vuçiç ka konfirmuar se do të vizitojë Moskën në muajin maj të vitit të ardhshëm. Kjo do të jetë vizita e parë në Rusi që prej fillimit të luftës.

Ftesa erdhi nga shefi i Kremlinit, Vladimir Putin, për të marrë pjesë në festimet e 80-vjetorit të fitores në Luftën e Dytë Botërore, që do të mbahet më 9 maj 2025.

“Jam i bindur se ruajtja e kujtimit të Fitores së Madhe do të forcojë vendosmërinë e përbashkët për të kundërshtuar çdo manifestim të neonazizmit dhe do të shtojë bashkëpunim konstruktiv për të garantuar paqen dhe sigurinë në planet. Pres t’ju shoh në Moskë”, ka shkruar Putin.

Vuçiç dhe Putin folën për herë të fundit me telefon më 20 tetor të këtij viti, pas së cilës presidenti serb u tha gazetarëve se Putini e kishte ftuar të merrte pjesë në 80 vjetorin e fitores ndaj nazizmit.

Kujtojmë se Rama dhe Vuçiç kanë një miqësi të ngushtë mes tyre të cilën e kanë shfaqur edhe publikisht, por mesa duket edhe direktivat politike i marrin nga i njëjti burim edhe pse përpiqen që hera - herës të duken publikisht ai pro-perëndimorë.

Pak ditë më parë Rama u shfaq në një darkë me autokratin Lukashenko.

© SYRI.net

Lexo edhe:

• Cakolli: Më shumë se gjysma e fushatës zhvillohet në rrjete sociale, partitë e raportojnë vetëm një ‘porcion’ të shpenzimeve
• 'Rama jepe dorëheqjen!' Marshimi protestë nuk ndalet - sot dita e 23-të
• VIDEO/ Shkullaku: Brenda partisë së autokratit të çmendur s’guxon njeri t’i thotë Ramës, o idiot, ik se more në qafë Shqipërinë