Operatori i Sistemit, Transmisionit dhe Tregut, KOSTT, ka njoftuar se Bordi i Drejtorëve ka aprovuar strategjinë për barazi gjinore, diversitet dhe gjithëpërfshirje.
“Aprovimi i kësaj Strategjie shënon një nismë transformuese për kompaninë, duke e bërë KOSTT ndërmarrje udhëheqëse në industrinë e energjisë me një qasje që thekson rëndësinë e barazisë gjinore dhe diversitetit” thuhet në njoftim.
Sipas KOSTT-it, strategjia në fjalë ka për qëllim të nxisë pjesëmarrje të barabartë në të gjitha nivelet e vendimmarrjes, përfshirë dhe pozitat teknike.
Ky është njoftimi i plotë:
Më datën 29 prill 2024, pas propozimit të menaxhmentit, Bordi i Drejtorëve të KOSTT ka aprovuar Strategjinë për Barazi Gjinore, Diversitet dhe Gjithëpërfshirje. Aprovimi i kësaj Strategjisë shënon një nismë transformuese për kompaninë, duke e bërë KOSTT ndëmarrje udhëheqëse në industrinë e energjisë me një qasje që thekson rëndësinë e barazisë gjinore dhe diversitetit. Me ndihmën e #USAID dhe #TetraTech, KOSTT kishte përfituar nga programer për barazi gjinore, nga të cilat janë zhvilluar politika specifike dhe programe mbështetëse për të siguruar trajtim të barabartë për të gjithë punonjësit pa dallim.
➢ Strategjia ka për qëllim të nxisë pjesëmarrje të barabartë në të gjitha nivelet e vendimmarrjes përfshirë pozitat teknike
➢ Përfshierja e personave me atësi të kufizuara, për të ju ofruar mundësi të barabarta në fushën e punësimit dhe zhvillimit profesional
➢ Mbështetja e balancës punë-jetë me subvencionimin e kostove të kujdesit parashkollor me një model financiar që ndihmon prindërit punonjës në KOSTT.
Me rastin e aprovimit të kësaj Strategjie sot, Kryeshefi Ekzekutiv i KOSTT, z. Evetar Zeqiri, ka nënshkruar vendimin për formimin e një komisioni të posaqëm i cili do të kryejë një studim të nevojave të punonjësve, me qëllim të krijimit të mundësive për përmirësimin e kushteve dhe politikave tjera në vendin e punës, duke siguruar që të gjitha veprimet e mëtejshme të jenë të përqëndruara aty ku mund të krijiohet mjedis më i mirë dhe më i barabartë.
Njëkohësisht, KOSTT në konsultim edhe me shoqatat relevante, shume shpejtë do të shpall konkursin e parë për persona me aftësi të kufizuara, sipas legjislacionit të zbatueshëm.
Ky angazhim rikonfirmon pozicionin e KOSTT si lider në industrinë e energjisë dhe si një model i përkushtimit ndaj standardeve ndërkombëtarë dhe praktikave më të mira në fushën e barazisë gjinore, diversitetit dhe gjithëpërfshirjes.
© SYRI.net
Kalorësi projektit të ndarjes së Kosovës dhe projektit ruso-serb të 'Open Balkan', akuzon Albin Kurtin se përzihet në punët e brenshme të Shqipërisë
Takimi me Allen, Presidenca e veçon deklaratën e Osmanit se partneriteti me SHBA-të është ekzistencial për çdo sukses të vendit 
Bajrami e LDK-së e sfidon Kurtin të tregojë dy gjëra që Qeveria ka bërë për lehtësimin e klimës së bizneseve
Denonco
Merrni lajmet më të fundit nga SYRI.net në çdo moment dhe kudo që të jeni!
