Dejona Mihali ka reaguar pas deklaratave të ndërkombëtarëve lidhur me situatën në veri, përcjell Syri net Kosova.
Mihali ka thënë se padrejtësisht deklaratat e tyre kanë ardhur ne drejtim të palës kosovare.
Ajo ka pyetur se pse asnjë fjalë nuk u tha për aktet e serbëve atje.
Postimi i plotë:
I sul e organizon grupet kriminale, dhe aq pak sa i kanë mbetur, për incidente në sheshet e vogla të qytezave si Zubin Potoku, Zveçani dhe Leposaviqi, sulmojnë Policinë e Kosovës pastaj e rreshton ushtrinë në kufirin me Kosovën ku gjendet NATO dhe vendet anëtare të NATO-s fqinje me të.
Vuçiqi, pra. Çfarë akti quhet ky?
Në gjuhën e Aleancës quhet minimalisht provokim i rëndë. Akt agresioni.
Pse nuk po e thonë dhe ndaj Serbisë?
Deklaratat ndaj institucioneve të Kosovës janë padrejtësisht të drejtuara ndaj palës që çdo herë aplikon durimin dhe vetpërmbajtjen më të lartë dhe nuk e ka asnjë rast të cënimit të një shteti tjetër.
© SYRI.net