Marrëveshja Bazë e arritur në Bruksel e më pastaj në Ohër e “ndan Kosovën përgjithmonë nga Serbia” dhe ndihmon në shtrirjen e juridiksionit në veri të vendit, ka thënë kryetari i Aleancës për Ardhmërinë e Kosovës, Ramush Haradinaj, gjatë një vizite të tij në Zvicer.
Haradinaj, i cili përbën boshtin opozitar të vetëm në përkrahje të Marrëveshjes Bazë pa njohje të ndërsjellë dhe me Asociacion të Komunave të banuara me shumicë serbe Serbe, qëndron i bindur në atë se kjo marrëveshje e çon Kosovën drejt integrimeve euro-atlantike dhe se ajo është në esencë punë amerikane.
“Ka qenë një proces i gjatë, ka mbi vite që vazhdon punën për marrëveshje, tashmë të njohur franko-gjermane, po ashtu është punë amerikane , personalisht kam qenë i kyçur gjithnjë, më shumë me misionin e Amerikës, por edhe me partnerë të tjerë, e kam përkrahur dhe e mbështesë arritjen e marrëveshjes e cila na hapë perspektiven tonë, drejtë NATO-s, drejt BE-së, po ashtu na mundëson me shtri juridiksionin në veri. E ndanë Kosovën njëherë e përgjithmonë nga Serbia”, ka thënë ai.
Kujtojmë se më 27 shkurt dhe më 18 mars, Kosova dhe Serbia pranuan Plan-Propozimin e Bashkimit Evropian për normalizim të marrëdhënieve, ndonëse pa nënshkruam dhe vetëm me pajtim verbal. Aleanca për Ardhmërinë e Kosovës i ka dalë në mbështetje të parezervë Qeverisë Kurti II rreth kësaj marrëveshje, e cila gjerësisht është parë si e pamjaftueshme.
© SYRI.net
Musliu Shoshi: Aleatët e Kosovës e kanë humbur besimin në Qeverinë Kurti
Von Cramon: Arsyeja për masat e BE-së ndaj Kosovës nuk ekziston më
Osmani: Në Këshill të Sigurimit e thash vetëm të vërtetën që Serbia s’mund ta mohoj
Denonco
Merrni lajmet më të fundit nga SYRI.net në çdo moment dhe kudo që të jeni!
