Një aksident i ndodhur në orët e vona të natës së sotme ka tronditur vendin ku për pasojë kanë ndërruar jetë katër persona. Pas kësaj është shprehur nevoja emergjente për rregulla më rigoroze të komunikacionit, shkruan Syri net Kosova.
Është deputetja e LVV-së, Fitore Pacolli ajo e cila ka thënë se përmes Komisionit për Mjedis bashkë me Policinë e Kosovës dhe Ministrinë e Mjedisit kanë punuar me muaj në Ligjin e ri për rregullat në trafik ku përmes këtij Projektligj kanë për synim të vendosin disa rregulla të rrepta trafiku.
“Rrugëve tona po humbim shumë të rinj e të reja, njerëz të mirë që i duhen vendit. Kjo është humbje e madhe. Komisioni për Mjedis bashkë me Policinë e Kosovës dhe Ministrinë e Mjedisit kemi punuar me muaj në Ligjin e ri për rregullat në trafik. Me këtë Projektligj kemi bërë përpjekje t'i vendosim disa rregulla të rrepta por që shpëtojnë jetë.”, ka shkruar ajo në Facebook.
Edhe deputetja e PDK-së, Vlora Çitaku duke shprehur ngushëllime për familjarët e viktimave kërkoi rregulla më të ashpra të trafikut.
“Qeveria e Republikës së Kosovës duhet që urgjentisht të marrë masa për të rritur kontrollin në trafik”, ka shkruar mes tjerash ajo.
© SYRI.net
Çitaku thotë se koalicioni VV-PDK do të ishte i vështirë
Ambasadori i SHBA-së, Hovenier, viziton kampin “Notting Hill” në veri të Kosovës
Haziri thotë se Kurti nuk po guxon ta dërgojë draftin e Asociacionit në Kushtetuese
Denonco
Merrni lajmet më të fundit nga SYRI.net në çdo moment dhe kudo që të jeni!
