Në muajin gusht të vitit të kaluar, një ish-zyrtar policor i nacionalitet serb ishte përfshirë në një konflikt ku u përdorën edhe armët, në një restorant në Veri. U raportua se ish-polici Miodrag Janicijevic dyshohej për të shtëna me armë, pasi fillimisht dy vëllezër kishin gjuajtur në drejtim të tij.
Ata ndodheshin në arrati deri para pak ditësh, kur Policia arriti ta arrestojë njërin prej tyre, raporton Sinjali.
Burimet nga Prokuroria kanë bërë me dije se para disa ditësh, i dyshuari Milan Sekulic, është kapur në pikën kufitare, ku u ndalua nga Policia dhe rezultoi se ishte në listën e personave të kërkuar. I njëjti u ndalua për 48 orë dhe gjatë kësaj periudhe, Prokuroria bëri kërkesë për caktimin e masës së paraburgimit.
Pas caktimit të seancës, i njëjti ka dalë para gjyqtarit të procedurës paraprake, i cili aprovoi kërkesën për masë sigurie dhe ia caktoi 1 muaj paraburgim.
Sekulic bashkë me vëllain e tij, Lukën, dyshohen për veprën penale “Vrasje e rëndë në tentativë”.
© SYRI.net
Moti sot, temperaturat arrijnë deri 17 gradë
Krejt çka u tha dje në takimin trepalësh në Bruksel
Mblidhen 4 komisione parlamentare sot në Kuvendin e Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
