Hakmarrja dyshohet të jetë motivi i vrasjes që ndodhi dje në Pejë. 24 vjeçari nga Elbasani goditi qëllimisht me veturë mikun e tij, 44 vjeçar, meqë ky i fundit më herët ia kishte djegur shtëpinë. Prokuroria e Pejës ka treguar detaje për Dukagjinin, derisa televizioni ka siguruar edhe videon e momentit kritik.
Ecja në këtë rrugë jo larg qendrës së Pejës, I.O 44-vjeçari i kushtoi me jetë.
E iniciuar fillimisht si aksident trafiku, kjo ngjarje që shihet edhe në këtë video të siguruar nga Dukagjini, më vonë mori rrjedhë tjetër.
Sergio Jonuzi, tashmë është në mbajtje për veprën penale “vrasje e rëndë”, për shkak se ka goditur qëllimisht me veturë 44 vjeçarin.
Se si ndodhi rasti e sqaron prokurorja Lumturije Vuçetaj, e cila thotë se kanë ndërmarr të gjitha veprimet e nevojshme.
“Diku në orët e pasditës jam njoftuar nga ana e policisë se ka ndodhur një rast, fillimisht është konsideruar si një aksident komunikacioni mirëpo me siguruar informacionet, nga ana e të gjtihë njësitëve policore, dhe nga ana e dëshmitarëve okular dhe nga video incizimet që janë siguruar nga vendi i ngjarjes kemi konstatuar se kemi të bëjmë me vrasje të rëndë”, ka deklaruar ajo.
Vuçetaj shton se kanë informuar edhe institucionet e drejtësisë në Shqipëri, meqë të dy personat janë nga Elbasani, dhe motivi dyshohet të jetë, hakmarrja pasi që viktima ia ka djegur të dyshuarit shtëpinë në këtë qytet të Shqipërisë.
“Prokuroria ka udhëzuar Policinë që menjëherë të njoftohen autoritet e Republikës së Shqipërisë, që ta kenë vixhilencën eventualisht që të mos ndodhë një përshkallëzim i situatës në mes familjarëve të viktimës dhe të dyshuarit në Elbasan, sepse kemi ardhur në përfundim se janë në lidhje miqësie mes vete”, ka deklaruar prokurorja.
24 vjeçari i dyshuar është arrestuar nga Policia, me ndihmën e qytetarëve meqë fillimisht kishte ikur nga vendi i ngjarjes duke e braktisur veturën.
Në raportin 24 orësh të Policisë është bërë e ditur se viktima ka ndërruar jetë në spitalin e Pejës, pas lëndimeve të marra si pasojë e goditjes me veturë dhe se trupi i të ndjerit është dërguar për obduksion
© SYRI.net
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Antidroga arreston tre persona në Fushë-Kosovë
Parashikimi i motit për javën e ardhshme
Denonco
Merrni lajmet më të fundit nga SYRI.net në çdo moment dhe kudo që të jeni!
