Me rastin e shpalljes “Qytetar Nderi” të komunës së Drenasit, të tre ish-presidentëve, Rexhep Meidani, Alfred Moisiu dhe Bamir Topi, kryetari i komunës së Drenasit, Ramiz Lladrovci ka theksuar se “kjo ditë që ju po pranoni titullin “Qytetar Nderi”, është ditë e shënuar për ne dhe jo rastësisht, me urimin për qytetar nderi, urojmë edhe Ditën e Ushtrisë së Kosovës.
Lladrovci ka përkujtuar se kjo ditë, ka edhe një dimension tjetër, atë të rikujtesës historike.
“Në këtë ditë, Komandanti Mujë Krasniqi me 41 luftëtarë, ranë heroikisht në fushën e nderit. Kur e kujtojmë Ditën e Ushtrisë tonë, duhet ta kujtojmë heroizmin e Komandantit legjendar Adem Jasharit”, shkroi Lladrovci në rrjete sociale.
Postimi i tij:
Sot, në Seancë solemne, morën vendimin e Kuvendit dhe dekoratën “Qytetar nderi”, presidentët Rexhep Meidani, Alfred Mosiu dhe Bamir Topi, ku ishin të pranishme personalitete të nivelit qendror e lokal, shoqata e dala nga lufta e UÇK-së dhe qytetarë.
Këtu, për shkak të gjatësisë së tekstit, po i përcjell vetëm disa mesazhe nga fjala e rastit:
Të dashur “Qytetarë Nderi”, Zoti Meidani, Zoti Moisiu, Zoti Topi,
Kjo ditë që ju po pranoni titullin Qytetar Nderi, është ditë e shënuar për ne dhe jo rastësisht, me urimin për qytetar nderi, urojmë edhe Ditën e Ushtrisë së Kosovës.
Në këtë ditë, Komandanti Mujë Krasniqi me 41 luftëtarë, ranë heroikisht në fushën e nderit.
Kur e kujtojmë Ditën e Ushtrisë tonë, duhet ta kujtojmë heroizmin e Komandantit legjendar Adem Jasharit.
Duhet ta kujtojmë heroizmin e Bekim Berishës, Zahir Pajazitit, Luan Haradinajt, Fehmi e Xhevë Lladrovcit, Agim Ramadanit dhe mijëra heronjve, dëshmorëve e martirëve të kombit.
………….
Bashkë me aleatët fituam luftën, por pa Shqipërinë, kjo nuk do të arrihej. Kosova këtë nuk e harron.
Ju falënderoj në veçanti, që u gjendet pranë udhëheqësve tanë që sot janë padrejtësisht në Hagë, Hashim Thaçit, Kadri Veselit, Jakup Krasniqit dhe Rexhep Selimit.
Askush më mirë se ju nuk i njeh liderët tanë. Ju e dini se ata kanë bërë luftë të drejtë dhe në pajtim me normat ndërkombëtare.
Askush më mirë se ju nuk i njeh vuajtjet tona për të arritur deri këtu me aleatët tanë në krye me Shtetet e Bashkuara të Amerikës.
Sot, kur bota zien, kur veriu i Kosovës është temë e lajmeve globale, ju jeni këtu në mesin tonë, për të pranuar mirënjohjen tonë më të lartë që mund të japim, titullin “Qytetar Nderi”, titull që na bashkon.
Drenasi nuk është ndër komunat më të mëdha të Kosovës, por ne i kemi të mëdha sakrificat, të shumtë i kemi heronjtë, dëshmorët dhe martirët e lirisë.
Të shumta i kemi plagët, por edhe vullnetin për punë e përkushtim për qytetarët tanë.
Drenasi ka qytetarë atdhetar, krenar e dinjitoz, qytetarë kampion të qeverisjes së mirë në Kosovë dhe me performancë të shkëlqyer në qeverisjen lokale.
Jemi në Drenicë, në zemrën e Kosovës.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
