Ka filluar punën Gjykata Komerciale e Republikës së Kosovës.
Lajmin e ka bërë të ditur ministrja e Drejtësisë Albulena Haxhiu.
Haxhiu përmes një shënimi në Facebook ka thënë se përkundër dyshimeve nga opinionistët e studiove televizive, Gjykata Komerciale ka filluar funksionimin.
“Edhe përkundër zotimeve tona për funksionalizim të shpejtë të saj, në debate televizive gjithandej, thuhej se Gjykata Komerciale nuk mund të funksionalizohet para 5 viteve. Gjykata Komerciale filloi punën shumë pak muaj pas hyrjes në fuqi të Ligjit”, ka shkruar Haxhiu.
Ministrja e Drejtësisë me këtë rast ka falënderuar të gjithë ata që kanë kontribuar deri në funksionalizimin e këtij institucioni.
“Falënderoj Kuvendin për mbështetjen si dhe Këshillin Gjyqësor për bashkëpunimin dhe angazhimin për funksionalizim të Gjykatës Komerciale, gjithashtu edhe programin e USAID për drejtësi komerciale”.
“Punë të mbarë gjyqtarëve dhe stafit mbështetës, uroj ta kryejnë punën me nderë dhe përkushtim dhe vetëm në përputhje me kompetencat dhe legjislacionin”, ka përfunduar Haxhiu.
© SYRI.net
Osmani: Beteja kundër lajmeve të rreme dhe dezinformatave nuk ka qenë kurrë më urgjente
Kërkohen ndryshime urgjente në kalendarin e festave zyrtare
Petkoviq thotë se iu ndalua vizita në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
