Është nënshkruar marrëveshja për Programin Kompakt ndërmjet Kosovës dhe Shteteve të Bashkuara të Amerikës, përfaqësuar nga Korporata e Sfidave të Mijëvjeçarit.
Nënshkrimi i kësaj marrëveshje është bërë në njërin nga departamentet e Kongresit amerikan.
Ministrja e Ekonomisë, Artane Rizvanolli, nënshkroi marrëveshjen mbi 200 milionë dollarëshe për Kosovën.
Programi Kompakt përbëhet prej dy projektesh dhe konsiderohet si investimi më i madh i Qeverisë amerikane në Kosovë.
MCC-ja mëton që me këtë program të ulë varfërinë në Kosovë përmes rritjes ekonomike, pasi vlerësohet se furnizimi jo i qëndrueshëm energjetik e pengon rritjen ekonomike.
Granti pesëvjeçar parasheh 202 milionë dollarë mjete direkte nga Qeveria amerikane, ndërsa pjesa tjetër e investimeve do të mbulohet nga Qeveria e Kosovës.
Sipas drejtoreshës së MCC-së për Kosovën, Sarah Olmstead, prokurimi i parë për projektet e Programit Kompakt pritet të nisë pas dy vjetësh.
Pas nënshkrimit të Programit Kompakt, Kuvendi i Kosovës duhet të ratifikojë këtë marrëveshje ndërkombëtare me dy të tretat e votave.
Projekti më i rëndësishëm pritet të jetë ai i Ruajtjes së Energjisë. Përmes këtij projekti, Kosova do të ketë rezerva të energjisë përmes baterive të kapacitetit të lartë prej 170 megavatësh. Këto bateri do të mundësojnë sigurimin e rezervave prej rreth 347 megavatësh në orë.
© SYRI.net
Zemaj: Dubrava 14 kat, thoshit, por asnjëherë s’është mbushur si me zyrtarë të LVV-së
Tahiri: Me qeverinë Kurti nuk mund të presim anëtarësim në organizata ndërkombëtare
KDI-ja i bën thirrje Qeverisë që ta kthejë në agjendën legjislative Ligjin e punës
Denonco
Merrni lajmet më të fundit nga SYRI.net në çdo moment dhe kudo që të jeni!
