Deputetja e Lëvizjes Vetëvendosje nga Lista Guxo, Jeta Statovci, ka bërë të ditur se Komisioni për Ekonomi, e ka mbështetur unanimisht marrëveshjen me MCC-në.
Statovci tha se kjo marrëveshje mes Kosovës e ShBA-së është investimi më i madh në historinë e vendit në fushën e energjetikës që kontribuon në stabilitetin energjetik.
“Por nga ky projekt, jam e lumtur që do të përfitojnë edhe gratë në sektor. Nga 9% e tyre sa janë të punësuara aktualisht në sektorin e energjisë në Kosovë, që i bie as sa gjysma e mesatares globale; synim dhe qëllim i këtij projekti do të jetë arritja e mesatares globale të përfshirjes së grave në fushën e energjisë sikur në shtetet e tjera”, ka shkruar Statovci.
Sipas saj, investimi 237 milionësh i Shteteve të Bashkuara të Amerikës në Kosovë, determinon aleancën e përhershme dhe miqësinë e përjetshme mes të dyja vendeve.
Kujtojmë se presidentja e vendit, Vjosa Osmani, kryeministri Albin Kurti dhe ministrja e Ekonomisë, Artane Rizvanolli kanë udhëtuar në ShBA ku edhe zyrtarisht është nënshkruar marrëveshja për energji me MCC-në në vlerë 237 milionë euro.
© SYRI.net
KDI-ja i bën thirrje Qeverisë që ta kthejë në agjendën legjislative Ligjin e punës
Vrasja e Liridonës | Lirohet njëri nga të dyshuarit, Prokuroria me një vendim të ri për Naim Murselin
Deputeti belg këmbëngul se ndërtimi i burgut në Kosovë është i mundur
Denonco
Merrni lajmet më të fundit nga SYRI.net në çdo moment dhe kudo që të jeni!
